Free & Easy Diving Packages Wildlife Holidays Tailored Itineraries Group Departures
Hotel Deals Cheap Flights Cruise

馬爾代夫十年變



The Residence Maldives雖然房間都有泳池, 但我還是喜愛酒店的超大泳池游水, 可以順便睇日落!

可能我皮膚黑,當年做旅遊記者時編輯覺得我鍾情陽光海灘,經常派我去拍攝
Resort, 所以由十年前開始,單是寫旅遊稿巳去過三次馬爾代夫。但其實我以前絶不喜歡曬太陽 ( 但現在就十分喜歡 ), 每次去陽光海灘的地方工作,即使幾熱和幾曬, 我都會著長袖衫 , 還記得有幾件長袖衫是去陽光海灘專用的「工衣」(至今仍在衣櫃中不捨棄掉),因為覺得如果出差做嘢而曬黑係一件好唔抵的事 !

 

講番馬爾代夫,這裡由酒店、客人十年來都有很大的轉變 ! 十年前第一次前往,這時還未興起水上屋 (water villa),住了幾間酒店都只得沙灘屋。

 

一島一酒店的馬代 , 酒店質素亦相差很遠,平價的 , 房間是我們九十年代屋企很流行採用的白色地磚,隔局如同度假屋一般。即使沙灘和水都好靚,沙灘不遠處都有一條有礙觀瞻的防坡堤,但當年第一次見到 tiffany blue 的玻璃水,心情其實好興奮。

 

多年前的馬代,最大賣點是 與世隔絶,所以很高級的酒店如Banyan Tree,房內都沒有電視,以前亦未興上網,最多只得 Hi-Fi 畀人聽音樂,所以當時的馬代,是對香港人的一大考驗,因為唔知點解大部分香港人去到邊到要睇電視,無咗電視好似生活唔到咁,而現在便轉為無得上網好似會死,幸好現在大部分酒店都有 wi-fi ,大家可盡情上載相片上網曬命。

 

以前的馬爾代夫酒店,大部分都係包三餐 buffet, 自助餐都很美國 style, 選擇夠多但唔太好味,不過飲品和水都要自己畀錢,所以話以前啲人去馬爾代夫,會自己帶樽裝水過去。



現在的馬代五星級酒店,食物巳不再侷限於自助餐,即使是早餐,也很高水準,就如早幾個月入住Viceroy,   
早餐是半自助形式, 冷盤蛋糕和麵包任食, 主菜如Egg Benedit、華夫、麵等可以任點,仲要係點幾多份都得!




現在的馬代五星級酒店,房間不但有齊音響電視及上網等基本設施,很多都少不得一部任飲唔嬲的nespresso咖啡機!


客人方面,馬代除了歐美人
, 最多就係日本人,而以前酒店只 sell honeymooner, 有些更巴閉到小童免進,不過現在競爭大,不少酒店都有完善的 kids club 甚至有揍仔服務 , 每天更提供一連串活動包你唔會悶,相信酒店都好想你一家大細甚至成個家族一齊去吧 !

 

 

自海嘯之後,日本人少了,而最多的當然是祖國同胞,有些新酒店不但有中文餐牌 , 更有講國語的員工,而 Banyan Tree young line--Angsana 更提供麻雀耍樂,好唔好就見人見智。

 

除了祖國同胞,酒店負責人話,住總統套房的多數係中東人和俄羅斯人 ( 其實幾年前去海南島採訪,當時的文華東方負責人,巳告知不少俄羅斯人去海南島度假 )

 

 

中東人就最喜歡終日躲在房間,甚至一天三餐都叫 room service, 而俄羅斯人則最喜歡做 spa, 住一至兩星期都可以日日做 spa!

 

而香港人呢 ! 最喜歡當然是… 拿著手機上網打卡和 whatsapp !

很喜歡The Residence這個超大泳池, 係真係可以游水做運動這種, 其實很少遊客會真係在這裡游泳, 每天都可以在這裡包池暢泳, 超爽!  
 
 

露露瘋旅
Lucina Lo
露露